Հարցազրույց՝ Խաչատրյանի հետ ծառահատումների վերաբերյալ
Լրագրող․ Բարև Ձեզ, ծառահատումների դեմ բողոքի ակցյաներ են անում քաղաքացիները, դուք ինչ եք կարծում՝ ասում են “քաղաքային իշխանությունը սխա՞լ է անում, որ, օրինակ Թումանյանից ութսուն թեղի հատեց”։
Խաչատրյան․ Շնորհակալություն, որ ձեր հարցի սկզբում շեշտեցիք քաղաքացիները: Քանի՞ ՀՀ քաղաքացի եք այստեղ տեսնում: Ռուսներն ո՞վ են, որ գան իմ, ձեր, մնացածի քաղաքում որևիցէ բնապահպանական ակցիա անեն։ Ես հասկանում եմ, թե որտեղից է փչում քամին։ Բայց, անկեղծ ասած, ես մտածում էի, թե չեխական պիտի քամիները լինեն, բայց կարծես չեխականը ռուսաֆիկացված է գալիս, կազմակերպիչների առումով եմ ասում։ Պետք է Չեխիայից գային հրահանգները, բայց ռուսաֆիկացված են գալիս։
Էստեղ գիտեք ինչ` ինչ-որ ռուսներ, բնապահպան կոչվածներ, որոնք պարապ են մեր քաղաքում, և որոշ ավագանու անդամների անձնական տրամադրվածությունն է էստեղ էսպիսի բաներ անել։ Այո, ծառերը փոխվում են, փոխվում են շատ ավելի լավ ծառերով։ Ես հասկանում եմ նաև այս վայնասունը, էս ռուսների էս տեղ կապած։ Դա նրա համար է, որ իրենց երկրի նման փտած ծառերը փոխարինվում են եվրոպական ավելի հաջող ու ստացված ծառերով։ Ծառերը փոխարինվում են լավով, մի քանի տարի հետո քաղաքացիները տեսնելու են։ Ոջլոտ, հա՞… Ես 8 տարվա ավագանու անդամ եմ, և չի եղել սեզոնային ժամանակահատված, որ Երևանի 90% բակերից, փողոցներից չստանամ բողոքներ, որ մենք ունենք բլոճների, բանի խնդիր։ Ու ծառերն ինչքան էլ դեղորայքով պատվում էին, բլոճների դեմը չէր լինում առնել։ Մենք ծառերը փոխարինում ենք շատ ավելի լավ, ապագայում շատ ավելի հարուստ քաղաք ունենալու, կանաչ քաղաք ունենալու միտված նախագիծ է սա։
Լրագրող․ Տիկին Խաչատրյան, բայց ինչո՞ւ եք դուք այդքան վատ արտահայտվում։ Մտահոգ, օրինակ, թեկուզ ՌԴ քաղաքացիներ են, բարձրացնում են խնդիր։
Խաչատրյան․ Նորից եմ ասում՝ դուք փորձեք Մոսկվայում, Ռուսաստանում… Իրենք թող գնան իրենց կործանված երկրի փողոցներում որևիցե բան անեն։ Իրենք իմ, մեր քաղաքում՝ ՀՀ Երևանի բնակիչների քաղաքում, իրավունք չունեն ակցիաներ անելու՝ իմ համար, համենայն դեպս։ Կամ եթե նույնիսկ անեն, ապա մեկը ես՝ ինձ միևնույն է իրենց բարձրացրած որևիցե հարց։ Նորից եմ ասում՝ թող իրենք գնան իրենց երկրում նման բան անեն։ Բայց ասում եմ՝ այս ակցիայի կենտրոնացված մասը… հիմա չկա հա… ավագանու անդամ կար, որ եկավ, ավագանու հրահանգները տվեց, գնաց ներս։ Նորից եմ ասում՝ չեխականը փոխվել ա ռուսականով։
Լրագրող․ Ես հասկանում եմ՝ Հայկ Մարությանին եք ակնարկում։ Լավ, եթե նույնիսկ ռուսներին չեք ուզում լսել, լսեք օրինակ…
Խաչատրյան․ Էստեղ ակցիայի նպատակը, էս 2-3 տարիների ընթացքում անընդհատ ավագանու նիստերին բարձրացվող այս խնդիրների նպատակը մեկն է՝ անձնավորված խնդիր ունի կոնկրետ ավագանու անդամ կոնկրետ մարդու հանդեպ, և ինքը ընդամենը, նորից եմ ասում, չեխական պատվերով ռուսաֆիկացված ակցիաներ է կազմակերպում։ Էստեղ աղերս չունի բնապահպանության հետ, աղերս չունի ոչ մի ուրիշ բանի հետ։ Երևանի, ՀՀ քաղաքացիները, համենայն դեպս, էս պահին ովքեր էստեղ հավաքված են, ես ձեզ վստահեցնում եմ՝ հիմա իմ աշխատասենյակում ավելի շատ մարդ կա, քան էստեղ հավաքված ակցիայի մասնակիցները։ Շնորհակալ եմ։ Հետևաբար, նորից եմ ասում, այս երկիրը ներկայացնող քաղաքացիներին ես ասելու բան չունեմ։ Լավ ենք անում, ինչ անում ենք՝ լավ ենք անում։
Լրագրող․ Հայեր կան, հայերին է՞լ ասելիք չունեք։
Խաչատրյան․ Հայերի ասելիքը ասած ա։ Նորից եմ ասում՝ եթե էն խնդիրը, որ մենք անում ենք, էն խնդիրները, որը մենք լուծում ենք…
Լրագրող․ Բայց, օրինակ, ծառերի հետ կապված ի՞նչ խնդիր եք լուծել, տիկին Խաչատրյան։
Խաչատրյան․ Հին ծառերը փոխարինվում են շատ ավելի թանկ, շատ ավելի լավ, շատ ավելի ապագայում կանաչ Երևանը ունենալուն միտված…
Լրագրող․ Որ խնդրեմ, նկարներ ցույց կտա՞ք հիմա։ Օրինակ՝ մենք հիմա Կանաչ Երևան չենք տեսնում։
Խաչատրյան․ Կտեսնեք, որովհետև ամեն ինչ նոր ա արվում։ Այո, չեք տեսնում, 30-40 տարի ռուսական փտած ծառերով ենք ապրել, հետևաբար մենք հիմա շատ ավելի առաջադեմ երկրներից ենք…
Լրագրող․ Եթե Ռուսաստանից է եկել, ուրեմն փտա՞ծ են։
Խաչատրյան․ Փաստացի ռուսական ամեն ինչն է փտած՝ իրենց պես։ Շնորհակալություն։